Skip to content
Сообраќајот на патниот правец Прилеп-Битола, кај Млин „Осман“, утрово е во целосен прекин. Забраната е во сила од 5:15 часот, информира Автомото сојузот на Македонија.
Засега нема официјална информација до кога ќе трае прекинот. На истиот патен правец веќе има изменет режим поради работите на Коридорот 10Д, а на делот од клучката Лагово до Тополчани сообраќајот се пренасочува по регионалниот пат.
Од АМСМ информираат дека на останатите државни патишта сообраќајот се одвива главно непречено и по суви коловози, но интензитетот надвор од градските средини е зголемен.
Возачите кои утрово патуваат меѓу Прилеп и Битола треба да ја следат поставената сигнализација и актуелните информации за режимот на сообраќај пред да тргнат на пат.
